David Brooks, leikmaður Bournemouth á Englandi, er á óskalista Manchester United fyrir næstu leiktíð.
Enskir miðlar greina frá þessu í dag en Brooks kom til Bournemouth fyrir 11 milljónir punda frá Sheffield United á síðasta ári.
Brooks hefur verið frábær fyrir liðið á tímabilinu og er með sex mörk í 21 deildarleik.
Welski landsliðsmaðurinn er aðeins 21 árs gamall og á svo sannarlega framtíðina fyrir sér.
United er tilbúið að tvöfalda laun Brooks en hann fær 25 þúsund pund á viku hjá Bournemouth.
Brooks spilar á miðjunni og gæti tekið við af Juan Mata sem verður samningslaus næsta sumar.
