Tveir lykilmenn Wolves þeir Conor Coady og Matt Doherty hafa framlengt samning sinn við félagið.
Þetta var staðfest í dag en báðir leikmennirnir skrifuðu undir til ársins 2023.
Wolves þarf mikið á þessum leikmönnum að halda sem spila stórt hlutverk í liði Nuno Santo.
Liðinu hefur vegnað mjög vel á leiktíðinni og situr í sjötta sæti deildarinnar með 39 stig eftir 26 leiki.
Doherty spilar í bakverðinum hjá félaginu og Coady er fyrirliðinn sem leikur í miðverði.
