Gennaro Gattuso, stjóri AC Milan, segir að sínir leikmenn þurfi að nota hjálm um helgina í leik gegn Atalanta.
Gattuso er litríkur stjóri en hann heimtar metnað og ástríðu frá sínum leikmönnum.
Atalanta er taplaust í sex leikjum í röð og er alls ekkert lamb að leika sér við.
,,Við þurfum að klæðast hjálm um helgina. Við erum að mæta toppliði á Ítalíu sem eru góðir líkamlega og eru með mikil gæði,“ sagði Gattuso.
,,Þeir spila á mjög sérstakan hátt. Þetta verður erfitt og líka mjög mikilvægur leikur.“
,,Við verðum að virða okkar andstæðing, spila skynsamlega og frammistaðan þarf að vera góð.“