Harry Wilson, leikmaður Derby County, er staðráðinn í því að leika fyrir Liverpool einn daginn.
Wilson er samningsbundinn Liverpool en skrifaði undir lánssamning við Derby út tímabilið.
Þar hefur hann staðið sig vel og hefur myndað öflugt teymi með Mason Mount, leikmanni Chelsea.
Hann mun þó ekki spila lengi með Derby og ætlar að sanna sig fyrir Jurgen Klopp, stjóra Liverpool.
,,Það mikilvægasta er að fara upp með Derby en Mason vill spila fyrir Chelsea og ég fyrir Liverpool,“ sagði Wilson.
,,Mér hefur alltaf liðið eins og leikmanni Liverpool. Það er allt á réttri leið.“