Mesut Özil, leikmaður Arsenal, gæti íhugað að leggja skóna á hilluna samkvæmt fyrrum leikmanni liðsins, Paul Merson.

Özil fær ekki mikið að spila þessa dagana en þessi þrítugi leikmaður er ekki fyrstur á blað á Emirates.

Merson telur að Özil hugsi með sér vikulega hvort hann gæti ekki alveg eins sleppt því að vera þarna til að spila ekki mínútu.

,,Þú spilar þínum bestu leikmönnum og vinnur í kringum það. Özil er besti leikmaður Arsenal og spilar ekki, ég skil ekki,“ sagði Merson.

,,Hann hlýtur að sitja heima hjá sér og hugsa hvernig hann kemst í þetta lið.“

,,Ég veit ekki hvort þeir séu að reyna að neyða hann til að hætta eða ekki því hann hlýtur að hugsa að hann gæti alveg eins gert það ef hann kemst ekki í þetta lið.“