Gary Lineker, sparkspekingur BBC, setti inn skemmtilega færslu á Twitter síðu sína í kvöld en hann notar hana mikið.
Lineker er fyrrum leikmaður enska landsliðsins en hann spilaði einnig með Tottenham og Barcelona.
Hann ræddi leik Manchester United og Paris Saint-Germain sem fer fram í Meistaradeildinni í kvöld.
Lineker gat ekki annað en gert grín að því að liðsrúta United hafi mætt tímanlega á Old Trafford.
,,Hlutirnir hafa breyst svo mikið hjá Manchester United undir stjórn [Ole Gunnar] Solskjær að liðsrútan mætti meira að segja á réttum tíma,“ sagði Lineker.
Hann skýtur þar létt á Jose Mourinho, fyrrum stjóra United en undir hans stjórn mætti rútan tvisvar of seint á leiki í riðlakeppninni.
Things have changed so much at @ManUtd under Solskjaer that even the team bus has arrived on time.
— Gary Lineker (@GaryLineker) 12 February 2019
