Daniele De Rossi, fyrirliði Roma, hefur sent skilaboð til stuðningsmanna félagsins sem erui ósáttir með varnarmanninn Aleksandar Kolarov.
Kolarov var harðlega gagnrýndur í síðasta mánuði er Roma tapaði 7-1 gegn Fiorentina í ítalska bikarnum.
Kolarov fékk mikið hatur eftir þann leik en samband hans og stuðningsmanna Roma þykir ekki vera gott.
De Rossi biður stuðningsmenn þó um að haga sér betur en hann lítur á Kolarov eins og bróðir.
,,Ef þetta skemmda samband gæti verið lagað þá myndi það gera mig að ánægðasta manni heims,“ sagði De Rossi.
,,Ég hef alltaf verið partur af þessu og elska sutðningsmenn Roma og þeir hafa alltaf varið mig og verndað mig.“
,,Aleksandar er eins og bróðir minn. Það sem ég get sagt stuðningsmönnum: þið hafið alltaf treyst mér, gerið það aftur þegar ég segi ykkur að hann sé frábær atvinnumaður og einbeittur að því sem hann gerir“
,,Ég er ekki að segja að hann sé með Roma í blóðinu, nei ég er að segja að hann geri sitt besta, hann hefur aldrei sleppt æfingu og spilar við erfiðar aðstæður.“