Maurizio Sarri, stjóri Chelsea, heyrir aldrei í eiganda liðsins, Roman Abramovich sem vildi fá hann í sumar.
Sarri var ráðinn stjóri Chelsea fyrir tímabilið en gengi liðsins undir hans stjórn hefur verið upp og niður.
Eftir 6-0 tap gegn Manchester City í gær var Sarri spurður út í eigin framtíð. Hann veit ekki hvað er í gangi því Abramovich tekur aldrei upp símann.
,,Ef forsetinn ákveður að hringja í mig þá myndi það gera mig ánægðan því ég heyri aldrei í honum,“ sagði Sarri.
,,Ég veit ekki við hverju ég á að búast. Manchester City spilaði frábæran fótbolta og ég sá ótrúlegt lið.“