Grindavík í Pepsi-deild karla fékk öflugan liðsstyrk í dag er framherjinn Patrick N’Koyi skrifaði undir.
N’Koyi er 29 ára gamall sóknarmaður en hann hefur undanfarin ár spilað með þónokkrum liðum.
N’Koyi hefur komið víða við á ferlinum og má nefna lið eins og Dundee í Skotlandi, Rapid Bucarest í Rúmeníu og Sukhothai í Taílandi.
Hann er þó þekktastur fyrir tíma sinn í heimalandinu, Hollandi og lék með FC Eindhoven og Fortuna Sittard við góðan orðstír.
N’Koyi skoraði 28 mörk í 63 deildarleikjum fyrir Fortuna og var einn öflugasti leikmaður næst efstu deildar.
