Paris Saint-Germain verður án þeirra Edinson Cavani og Neymar er liðið mætir Manchester United á morgun.
Um er að ræða leik í Meistaradeild Evrópu en 16-liða úrslitin hefjast á morgun og er einnig spilað á miðvikudag.
Það er mikið áfall fyrir PSG að vera án þessara leikmanna en Cavani meiddist í síðasta deildarleik.
Það er útlit fyrir það að Erix Maxim Choupo-Moting gæti byrjað í fremstu víglínu fyrir PSG.
Hann hefur ekki fengið að byrja marga leiki hjá PSG en hann samdi við liðið á síðasta ári eftir dvöl hjá Stoke.
Þessi 29 ára gamli sóknarmaður var ekki iðinn við kolann á Englandi og skoraði fimm mörk í 32 leikjum.
