Það er ljóst að PSG mætir Manchester United í Meistaradeildinni með laskað lið en ljóst var á dögunum að Neymar yrði ekki með í einvíginu.
Liðin mætast í 16 liða úrslitum Meistaradeildarinnar en fyrri leikurinn fer fram á þriðjudag.
PSG vann 1-0 sigur á Bordeaux í gær þar sem Edinson Cavani skoraði markið. Hann meiddist hins vegar í leiknum.
Franskir miðlar segja að Cavani hafi rifið vöðva í læri og verði frá í mánuð, hann muni því missa af báðum leikjunum gegn United líkt og Neymar.
Þá meiddist Thomas Meunier, hægri bakvörður í leiknum og er fullyrt að hann verði ekki leikfær á þriðjudag.
Góðu tíðindin fyrir PSG eru hins vegar þau að Marco Veratti snéri aftur um helgina og getur því spilað á þriðjudag.
