Hlaðvarpsþátturinn, 90 mínútur hefur hafið göngu sína en um er að ræða þátt sem Hörður Snævar Jónsson, ritstjóri 433.is stýrir.

Rætt verður um fótbolta við áhugaverða gesti í vetur, farið verður um víðan völl.

Gestur þáttarins að þessu sinni er Bjarni Guðjónsson sem er einn öflugasti leikmaður sem efsta deildin á Íslandi hefur fengið að sjá en ferill hans í atvinnumennsku er einnig áhugaverður.

Það var goðsögn Liverpool, Kenny Dalglish, sem sá um að semja við Bjarna árið 1997.

Dalglish var hrifinn af Bjarna sem hafði áður farið á reynslu til Liverpool. Hann var hjá félaginu frá 1997 til 1998.

Bjarni talar mjög vel um Dalglish sem vildi upphaflega fá hann til Rangers sem gekk ekki upp.

,,Dalglish var scout hjá Rangers en ég vildi ekki fara þangað. Svo tekur hann við Newcastle og heldur möppunni sinni opinni og tók mig þangað,“ sagði Bjarni.

,,Ég fór til Sviss og Austurríkis á trial og svo fór ég líka til Spánar.“

,,Kynnin af Dalglish voru mjög góð. Ef ég kem inn á það að halda með liði og ekki halda með liði, maður fer pínulítið eftir þennan feril að halda með mönnum.“

,,Einhver sem maður þekkir og veit hver er og fannst gott að vinna með. Dalglish var frábær og allt starfsliðið í kringum hann. Þetta var allt ofboðslega gott fólk.“

,,Sami sjúkraþjálfarinn er enn á bekknum hjá Newcastle, við sjáum hann stundum á bekknum, þéttur og sköllóttur. Svo eru tveir búningastjórar sem eru þarna ennþá og hafa lifað allt sem hefur komið í gegnum Newcastle.“