Mike Dean er dómari sem margir kannast við en hann hefur lengi dæmt í ensku úrvalsdeildinni.
Dean er þekktur fyrir það að vera mjög litríkur á velli og á það til að stela sviðsljósinu.
Hann mun dæma leik Manchester City og Chelsea en sá stórleikur fer fram á Etihad vellinum.
Dean hefur gefið 99 rauð spjöld á ferlinum til þessa og gæti númer 100 farið á loft á morgun.
Bobby Zamora, fyrrum framherji West Ham og Fulham, er alls enginn aðdáandi Dean og greindi frá því í gær.
Zamora hitti Dean margoft á ferlinum en hann lék lengi í efstu deild og á að baki tvo landsleiki fyrir England.
Zamora segir að Dean sé gríðarlega slakur dómari og einnig hrokafullur.
Shocking ref. Arrogant. Not for me at all ?? https://t.co/Hhjjkez4Ld
— Bobby Zamora (@RobertZamora25) 8 February 2019