Það er óvíst hvað verður um miðjumanninn Mesut Özil sem fær lítið að spila hjá Arsenal þessa dagana.
Özil var heill heilsu um helgina er Arsenal mætti Chelsea í ensku úrvalsdeildinni en kom ekki við sögu.
Emery segir að hann hafi enn fulla trú á Özil þrátt fyrir að hann vermi bekkinn þessa dagana.
,,Hann var með okkur á laugardaginn og gat spilað en við ákváðum að nota hann ekki,“ sagði Emery.
,,Ég ræddi við hann og vildi að hann væri tilbúinn í leikinn og fyrir næstu leiki eins og allir leikmenn.“
,,Ég hefði haft fulla trú á honum, hefði hann spilað. Við munum þurfa á öllum leikmönnum að halda og líka hans gæðum.“
