Jose Mourinho var rekinn frá Manchester United í desember eftir ansi slæmt gengi í ensku úrvalsdeildinni.
Mourinho var hjá United í þrjú ár en hann tók við af Louis van Gaal árið 2015 og var búist við miklu eftir hans komu.
Síðasta tímabil var fínt hjá þeim rauðu en United endaði í öðru sæti deildarinnar á eftir Manchester City.
Samband Mourinho og miðjumannsins Paul Pogba var ekki gott og var mikið talað um þeirra samband.
Mourinho ræddi við beIN Sports í dag og nefndi athyglisverðan frasa sem hann reynir að lifa eftir.
,,Sá frasi sem ég hef alltaf haldið í, sá stærsti í úrvalsdeildinni, Sir Alex [Ferguson] sagði þetta,“ sagði Mourinho.
,,’Daginn sem leikmaðurinn er mikilvægari en félagið, bless!’ – það er ekki þannig lengur.“
,,Stjórinn er þarna til að þjálfa leikmennina. Ekki til að sjá til þess að aginn sé til staðar sama hvað það gæti kostað.“