Andy Robertson, leikmaður Liverpool, hefur komið liðsfélaga sínum Mohamed Salah til varnar.
Salah hefur verið í umræðunni undanfarið en talað er um að hann hendi sér of auðveldlega niður í vítateig mótherja.
Hann fékk vítaspyrnu í 1-0 sigri á Brighton um helgina en Robertson segir að það sé ekki sanngjarnt að ásaka sóknarmanninn um leikaraskap í hvert skipti sem hann fer niður.
,,Alltaf þegar þetta gerist þá skoðum við myndbandið og segjum: ,,Þetta er ekki dýfa,“ sagði Robertson.
,,Hann er ekki þannig leikmaður svo hversu oft mun þetta gerast? Ég var við vítateigslínuna og þetta var klárt víti.“
,,Ef fólk er byrjað að segja að Mo sé að fara niður of auðveldlega þá er það ekki sanngjarnt.“
,,Eins og gegn Arsenal þá var sparkað í hann þrisvar og þeir kvörtuðu samt.“
