Gary Neville, fyrrum leikmaður Manchester United, vill ekki sjá félagið gera sömu mistök er nýr stjóri verður ráðinn í sumar.

Jose Mourinho var rekinn frá United í desember en hann fékk að koma inn með sína eigin hugmyndafræði til félagsins.

Neville varar næsta endanlega stjóra liðsins við því að það megi alls ekki gerast aftur.

,,Enginn þjálfari ætti að fá að koma til Manchester United aftur og koma af stað sinni hugmyndafræði,“ sagði Neville.

,,Það er búið að gera það. Hugmyndafræði Manchester United er svo djúp og svo þýðingarmikil fyrir félagið. Eins og hjá Barcelona eða hjá Ajax.“

,,Hjá þessu félagi þá spilaru hraðan sóknarbolta á skemmtilegan hátt. Þú spilar ungu leikmönnunum, gefur þeim trú og þú vinnur.“