Alphonso Davies spilaði í gær sinn fyrsta leik fyrir Bayern Munchen eftir að hafa komið til félagsins fyrr í mánuðinum.
Davies er aðeins 18 ára gamall en hann spilaði fyrir Bayern í úrslitum Telekom bikarsins gegn Borussia Monchengladbach.
Bayern hafði betur í vítaspyrnukeppni gegn Gladbach og fékk Davies að koma við sögu.
Hann er dýrasti leikmaður í sögu MLS deildarinnar í Bandaríkjunum eftir að hafa komið frá Vancouver Whitecaps.
,,Ég er að upplifa drauminn og mig langar að gráta,“ sagði ungstirnið eftir sigurinn.
,,Ég vil læra og bæta mig og ég mun halda áfram að fara í alla leiki eins og það sé minn síðasti leikur.“
