Antonio Valencia, leikmaður Manchester United, mun kveðja félagið næsta sumar.
Enskir miðlar fullyrða þetta í kvöld en Valencia verður samningslaus eftir tímabilið og getur farið frítt.
Bakvörðurinn er fyrirliði United í dag en hann er 33 ára gamall og vill reyna fyrir sér annars staðar.
Inter Milan er í viðræðum við leikmanninn sem hefur spilað með United í heil tíu ár.
United ku ekki hafa áhuga á því að framlengja samning leikmannsins sem kom til félagsins frá Wigan.
Inter vildi fá Valencia í janúarglugganum en United er ekki tibúið að hleypa honum burt svo snemma.
