Það fór fram einn leikur í ensku Championship-deildinni í kvöld er Leeds fékk Derby í heimsókn.
Það var mikið talað um þessa viðureign áður en hún hófst en Marcelo Bielsa, stjóri Leeds, var ásakaður um að hafa sent njósnara á æfingasvæði Derby.
Bielsa var ekki lengi að játa því en sagði enn fremur að það væri ekki ólöglegt. Það þykir þó vera ansi óíþróttamannslegt.
Leeds var að lokum í engum vandræðum með Derby og vann 2-0 sigur með mörkum frá Kemar Roofe og Jack Harrison.
Leeds situr í efsta sæti deildarinnar með fimm stiga forystu en Derby situr í sjötta sætinu.