Thomas Muller, leikmaður Bayern Munchen, mun ekki spila leiki liðsins við Liverpool í Meistaradeildinni.
Þetta var staðfest í dag en Bayern leikur við Liverpool í 16-liða úrslitum keppninnar í febrúar.
Muller á að baki yfir 460 leiki fyrir Bayern en hann hefur nú verið dæmdur í tveggja leikja bann.
Það bann fær Muller eftir leik við Ajax í keppninni þar sem hann fékk að líta beint rautt spjald.
Það eru góðar fréttir fyrir Liverpool en Muller býr yfir mikilli reynslu og þekkir það vel að spila í deild þeirra bestu.