Ole Gunnar Solskjær, stjóri Manchester United, er mjög hrifinn af kollega sínum Mauricio Pochettino hjá Tottenham.

Pochettino er mikið orðaður við stjórastarfið á Old Trafford en nýr maður gæti komið inn í sumar.

Solskjær segir að það sé ástæða fyrir því að Pochettino sé nefndur til sögunnar.

,,Hann hefur staðið sig mjög vel í sínu starfi,“ sagði Solskjær á blaðamannafundi.

,,Það er ástæða fyrir því að hann er einn af þeim sem talað er um – því hann hefur gert mjög vel.“

,,Það er þó ekki mitt starf að gefa þjálfurum einkunnir – ég einbeiti mér að sjálfum mér og mínu liði.“