Portúgalski þjálfarinn Pedro Hipolito er nýr þjálfari ÍBV í Pepsi-deild karla en þetta staðfesti félagið í kvöld.
Pedro hefur undanfarið þjálfað lið Fram í Inkasso-deild karla en á dögunum var greint frá því að hann væri á förum.
Pedro tekur við ÍBV af Kristjáni Guðmundssyni sem náði ansi góðum árangri með liðið í Eyjum.
ÍBV vann bikarmeistaratitilinn á síðustu leiktíð og hafnaði þá í sjötta sæti deildarinnar í sumar.
Pedro kom til Íslands í fyrra og tók við Fram en hann hafði fyrir það þjálfað í B-deildinni í heimalandinu.
Fyrr í kvöld greindum við frá því að Pedro væri á leið til Eyja og hefur það nú fengist staðfest.