Real Madrid tryggði sér þjónustu bakvarðarins Alvaro Odriozola í sumar en hann kemur frá Real Sociedad.
Odriozola er 22 ára gamall en hann vann sér inn byrjunarliðssæti í liði Sociedad á síðustu leiktíð.
Hann segir að líf hans sé eins og í bíómynd þessa dagana eftir ótrúlegar breytingar sem hafa átt sér stað síðan hann spilaði sinn fyrsta leik fyrir Sociedad.
,,Það er mikill heiður að vera kominn hingað og upplifa draum allra leikmanna, að spila fyrir Real Madrid,“ sagði Odriozola.
,,Ég þekki ábyrgðina sem fylgir því að klæðast þessari treyju og hvernig ég verð að haga mér sem leikmaður Real innan sem utan vallar.“
,,Undanfarið eitt og hálft ár hefur verið eins og bíómynd. Ég spilaði minn fyrsta leik með varaliði Sociedad og svo stuttu eftir var ég kominn í aðalliðið.“
,,Svo var ég valinn í hópinn fyrir HM og núna er ég að upplifa þann draum að klæðast treyju Real Madrid.“