Króatía tryggði sér sæti í úrslitaleik HM í gær er liðið vann England með tveimur mörkum gegn einu.
Mario Mandzukic tryggði Króötum sigur í leiknum en hann skoraði sigurmark liðsins í framlengingu.
Það varð allt vitlaust eftir mark Mandzukic en leikmenn Króata hlupu að hliðarlínunni og fögnuðu þar með öllum leikmannahópnum.
Ljósmyndarinn Yuri Cortez var á milli leikmanna í fagnaðarlátunum en hann féll í grasið eftir að leikmenn höfðu hlupið út fyrir völlinn.
Cortez náði gríðarlega góðri mynd á sama tíma en þar má sjá Mandzukic sjálfan hjálpa ljósmyndaranum upp eftir fagnaðarlætin.
Sjón er sögu ríkari en atvikið má sjá hér fyrir neðan.