Davíð Kristján Ólafsson, bakvörður Breiðabliks var í gær valinn í íslenska landsliðið í fyrsta sinn. Um er að ræða verkefni liðsins í Katar í janúar.
Ekki má velja bestu leikmenn liðsins, þar sem ekki er um að ræða alþjóðlega leikdaga.
Davíð hefur stimplað sig inn sem einn besti bakvörður Pepsi deildarinnar og fær tækifæri hjá Erik Hamren.
Erling Jack sem lék lengi vel með Þrótti og starfaði í kringum félagið segir frá nokkuð skemmtilegri sögu á Twitter í dag.
Þar rifjar hann upp þegar Gregg Ryder, þá þjálfari Þróttar vildi ekki fá Davíð Kristján á láni frá Blikum. Davíð var ungur að árum og lék þá sem kantmaður.
,,Langaði að fá kanntmann frá Blikum í Þrótt fyrir nokkrum árum og var það möguleiki. Þáverandi þjálfari vildi ekki leikmanninn. Í dag var hann valinn í landslið Islands,“ skrifaði Erlingur á Twitter.
Smelltu hér til að sjá landsliðshópinn.
Langaði að fá kanntmann frá Blikum í Þrótt fyrir nokkrum árum og var það möguleiki. Þáverandi þjálfari vildi ekki leikmanninn. Í dag var hann valinn í landslið Islands. #stuttámimilli
— Erlingur Jack (@ElliJack) December 19, 2018