Real Madrid tapaði stórt í Meistaradeild Evrópu í kvöld er liðið fékk CSKA Moskvu í heimsókn á Santiago Bernabeu.
CSKA kom mörgum á óvart í fyrri leik liðanna og hafði betur með einu marki gegn engu í Rússlandi.
Liðið gerði þó enn betur í kvöld og vann nokkuð sannfærandi 3-0 útisigur á ríkjandi meisturunum.
Real vann keppnina á síðasta tímabili en liðið hafði betur gegn Liverpool í úrslitaleiknum, 3-1.
Arnór Sigurðsson bæði lagði upp og skoraði í sigrinum í kvöld og lék Hörður Björgvin Magnússon í vörninni.
Þetta var stærsta tap Real á heimavelli í sögu Meistaradeildarinnar en liðið hefur unnið keppnina undanfarin þrjú ár.
Ekki nóg með það heldur var þetta í fyrsta sinn frá árinu 2009 sem liðið tapar heimaleik í riðlakeppninni.