Michy Batshuayi, leikmaður Valencia, lék með liðinu í kvöld í 2-1 sigri á Manchester United.

Batshuayi tókst ekki að skora í leik kvöldsins en hjálpaði sínum mönnum að næla í góðan heimasigur.

Phil Jones gerði annað mark Valencia í leiknum en hann varð fyrir því óláni að skora sjálfsmark fyrir United.

Jones var klaufi eftir sendingu inn fyrir vörn United og gaf boltann í autt markið eftir að Sergio Romero hafði komið út á móti knettinum.

Batshuayi er virkur á samskiptamiðlum og ákvað að strá salti í sárin á Twitter eftir sigurinn.

Bleacher Report birti mynd af skóm Batshuayi en þar má sjá Batman-merkið fræga.

Batshuayi tók eftir færslu Bleacher Report en hann vildi helst tala um andlit Jones sem var með honum á myndinni.

Jones er þekktur fyrir að bjóða oft upp á undarlega svipi er hann fylgist með boltanum eins og má sjá hér fyrir neðan!