Real Madrid tapaði stórt í Meistaradeild Evrópu í kvöld er liðið fékk CSKA Moskvu í heimsókn á Santiago Bernabeu.
CSKA kom mörgum á óvart í fyrri leik liðanna og hafði betur með einu marki gegn engu í Rússlandi.
Liðið gerði þó enn betur í kvöld og vann nokkuð sannfærandi 3-0 útisigur á ríkjandi meisturunum.
CSKA náði ekki að tryggja sér sæti í Evrópudeildinni þrátt fyrir sigurinn en liðið hafnar í fjórða sæti riðilsins.
Arnór Sigurðsson átti frábæran leik fyrir CSKA en hann lagði upp fyrra mark liðsins og skoraði það seinna.
Hörður Björgvin Magnússon var á sínum stað í hjarta varnarinnar og stóð svo sannarlega fyrir sínu.
Á sama tíma áttust við Viktoria Plzen og Roma en þar höfðu Tékkarnir betur 2-1 nokkuð óvænt.
Það er nóg til þess að tryggja þriðja sæti riðilsins en Plzen hafði betur gegn CSKA í síðasta leik 2-1 og fer því áfram á innbyrðis viðureignum.
Real Madrid 0-3 CSKA Moskva
0-1 Fedor Chalov(37′)
0-2 Georgi Schennikov(43′)
0-3 Arnór Sigurðsson(73′)
Plzen 2-1 Roma
1-0 Jan Kovarik(62′)
1-1 Cengiz Under(68′)
2-1 Tomas Chory(72′)