Jurgen Klopp, stjóri Liverpool, gat brosað í kvöld eftir 1-0 sigur liðsins á Napoli á heimavelli.
Liverpool er komið í 16-liða úrslit keppninnar eftir sigurinn og fer upp úr riðli sínum ásamt Paris Saint-Germain.
Klopp hrósaði sínum mönnum eftir leik kvöldsins en hann var mjög ánægður með frammistöðuna.
,,Ég er enn fullur af adrenalíni. Þessi leikur var ótrúlegur. Strákarnir spiluðu með hjartanu og öllum öðrum líkamspörtum,“ sagði Klopp.
,,Pressan okkar sóknarlega og varnarvinnan, þetta var eitt það besta sem ég hef séð á ævinni.“
,,Mér er alveg sama hvern við fáum í næstu umferð. Við erum í öðru sæti svo við munum fá mjög sterkan andstæðing.“
