Guðrún Arnardóttir, miðvörður íslenska kvennalandsliðsins hefur skrifað undir hjá Djurgården í Svíþjóð.
Þetta staðfesti Brjánn Guðjónsson, umboðsmaður hennar í samtali við 433.is.
Guðrún sem er afar öflugur leikmaður sagði upp samningi sínum við Breiðablik á dögunum.
Hún hefur nú skrifað undir hjá Djurgården sem leikur í sænsku úrvalsdeildinni.
Guðrún hóf að leika með Selfoss í meistaraflokki áður en hún fór til Breiðabliks, þar hefur hún verið lykilmaður.
Guðrún á að baki fimm A-landsleiki fyrir Ísland en Guðbjörg Gunnarsdóttir leikur með Djurgården.
