Denis Suarez, leikmaður Barcelona, er ekki ánægður hjá félaginu þessa stundina.
Suarez er orðaður við Napoli og Chelsea en hann hefur ekki átt fast sæti undir stjórn Ernesto Valverde á leiktíðinni.
Hann skoraði tvö mörk í 4-1 sigri gegn Leonesa í bikarnum á miðvikudag og vonast eftir tækifæri um helgina vegna frammistöðunnar.
,,Stjórinn sagði að leikurinn gegn Leonesa væri próf fyrir þá sem spila ekki reglulega svo við sjáum til hvort ég hafi staðist það próf,“ sagði Suarez.
,,Ég legg mig fram til að spila, ef ég spila ekki þá sjáum við til. Ég er ekki ánægður því ég spila ekki og það er það sem ég vil.“