Björn Daníel Sverrisson miðjumaður AGF í Danmörku er að snúa heim í Pepsi deildina. Þetta staðfestir hann við netmiðilinn mbl.is.
Ég er bara að skoða hvað er í boði. Ég má náttúrulega ekki semja við neitt lið fyrr en í janúar þannig að það er ekkert stress á mér. Ég veit af áhuga þriggja til fjögurra liða en ég mun fara yfir stöðuna með umboðsmanni mínum í byrjun janúar,“ sagði Björn Daníel í samtali við netmiðilinn mbl.is í morgun.
FH og Valur eru sögð berjast um starfskrafta Björns sem lék alla tíð með FH hér á landi.
Ólafur Jóhannesson þjálfari Vals hefur hins vegar góð tengingu við Björn og reynir að klófesta hann.
Björn Daníel var einn besti leikmaður Pepsi deildarinnar áður en hann fór til Viking í Noregi fyrir fimm árum síðan.
Frá Viking hélt hann til AGF en þar hefur hann mátt þola mikla bekkjarsetu síðustu mánuði.
