Mario Balotelli, leikmaður Nice, mun ekki fá nýjan samning hjá félaginu en hann verður samningslaus í sumar.
Þetta segir forseti Nice, Jean-Pierre Rivere en Balotelli hefur lítið getað á þessu tímabili í Frakklandi.
Balotelli reyndi að komast burt frá liðinu síðasta sumar en það gekk að lokum ekki upp.
,,Mario var að fara síðasta sumar svo hann missti af öllum undirbúningi,“ sagði Rivere við RMC Sport.
,,Allir leikmenn sem missa af undirbúningnum þurfa að þjást á fyrri part tímabilsins.“
,,Hann er kominn í líkamlegt stand en hefur ekki verið heppinn fyrir framan markið svo hann er pirraður.“
,,Mario tapaði þó ekki hæfileikunum á einni nótti. Þegar hann nær inn einu marki þá byrja þau að koma.“
,,Að framlengja samninginn hans? Nei ég held að þetta sé að verða búið.“
