Reading hefur rekið Paul Clement stjóra liðsins úr starfi eftir slakt gengi.
Með Reading leikur Jón Daði Böðvarsson en hann hefur glímt við meiðsli undanfarið.
Clement hefur verið rekinn frá Reading og Swansea á síðustu árum en Gylfi Þór Sigurðsson elskaði að spila fyrir Clement.
,,Geggjaður, einn af betri þjálfurum sem ég hef haft. Það er ástæða fyrir því að Carlo Ancelotti hefur tekið hann með sér út um allt, geggjaður þjálfari og geggjuð persóna, ég tala enn þá við hann í dag. Það er ekkert slæmt um hann að segja, bara jákvætt,“ sagði Gylfi Þór um Clement við 433.is á dögunum.
Reading er í fallbaráttu í næst efstu deild Englands en liðið mætir Manchester United í enska bikarnum í janúar.
BREAKING: Reading sack manager Paul Clement. #SSN pic.twitter.com/vw7PdgwFvC
— Sky Sports News (@SkySportsNews) December 6, 2018