Paul Scholes, fyrrum leikmaður Manchester United, er ekki of hrifinn af miðjumanninum Ander Herrera.

Scholes ræddi um atvik sem kom upp í gær er United mætti Arsenal í ensku úrvalsdeildinni.

Herrera ætlaði þá að lyfta boltanum á liðsfélaga sinn Paul Pogba en hitti knöttinn ekki of vel.

Scholes spyr sig hvort Herrera sé nógu góður fyrir liðið og er farinn að efast um gæði leikmannsins.

,,Maður verður að efast um gæði leikmannsins,“ sagði Scholes í setti BT Sport.

,,Rio Ferdinand spurði réttu spurninguna: ‘Er Ander Herrera með gæðin til að gefa þessa sendingu á Pogba?’

,,Hann er með marga metra fyrir framan sig og þetta er svona 30 metra löng sending – einföld sending.“

,,Ef hann er ekki nógu góður til að gefa þessa sendingu á hann ekki að vera hjá þessu félagi.“