Jose Mourinho, stjóri Manchester United, var sá fyrsti til að senda Claudio Ranieri skilaboð er hann tók við Fulham.

Ranieri var ráðinn stjóri Fulham á dögunum og mætir Mourinho og United í úrvalsdeildinni um helgina.

Ranieri talar mjög vel um Mourinho og horfir á hann sem góðan vin. Ranieri vann deildina með Leicester City árið 2016 en var svo rekinn ári síðar.

,,Hann er frábær maður. Hann var sá fyrsti sem sendi mér skilaboð og bauð mig velkominn til baka. Hann er mjög vinalegur vinur,“ sagði Ranieri.

,,Hann er góður maður, þjálfari og stjóri. Ég hef þekkt hann lengi, síðan hann kom til Chelsea og á Ítalíu var hann mjög kurteis.“