Anthony Martial framherji Manchester United fór af velli vegna meiðsla gegn Arsenal í gær.
Martial skoraði fyrra mark United í 2-2 jafntefli á Old Trafford.
Meiðsli gerðu vart við sig í síðari hálfleik þegar Martial var að sinna varnarvinnu.
,,Hann telur þetta ekki vera meiðsli,“ sagði Jose Mourinho stjóri United um stöðu Martial.
,,Hann taldi að meiðsli gætu farið að koma, honum fannst eins og hann væri að stífna upp.“
Martial átti í orðaskiptum við sjúkraþjálfara liðsins þegar hann fór af velli og virtist eins og hann teldi sig geta haldið leik áfram.