Marouane Fellaini, leikmaður Manchester United, er ekki sá vinsælasti á meðal stuðningsmanna Arsenal.
Fellaini kom við sögu á Old Trafford í gær er United gerði 2-2 jafntefli við Arsenal í hörkuleik.
Belginn byrjaði leikinn á varamannabekknum en kom inná í síðari hálfleik í stöðunni 2-2.
Fellaini þykir oft vera grófur leikmaður og var heppinn að fá ekki spjald fyrir brot eftir að hafa komið inná.
Miðjumaðurinn reif þá í hár Matteo Guendouzi, leikmanns Arsenal og reyndi að stöðva sókn gestanna.
Enska sambandið fékk mál sitt á borðið og ákvað ekki að refsa honum.
No action against Marouane Fellaini for pulling Matteo Guendouzi's hair at Old Trafford last night. Ref gave a free kick, so matter closed.
— Simon Stone (@sistoney67) December 6, 2018