Sean Dyche, stjóri Burnley, hefur svarað Jurgen Klopp, stjóra Liverpool eftir leik liðanna í gær.
Klopp kvartaði yfir leikstíl Burnley í leiknum og vildi meina að heimamenn hafi verið mjög grófir á velli.
Dyche tekur þessi ummæli ekki í mál og sakar Daniel Sturridge, leikmann Liverpool, um leikaraskap á sama tíma.
,,Klopp talaði ekki um þegar Daniel Sturridge svindlaði og henti sér í grasið, það var enginn nálægt honum og hann fékk aukaspyrnu,“ sagði Dyche.
,,Ég horfði á Liverpool sem krakki, ég var stuðningsmaður Liverpool og þegar ég horfði á þá voru þeir með frábært lið sem gat spilað líkamlegan bolta.“
,,Ef það er ekki lengur til staðar og og menn eru byrjaðir að svindla í staðinn þá skal ég glaður vera af gamla skólanum.“
,,Ég hefði alltaf viljað sjá tæklingarnar okkar í gær frekar en að horfa á leikmenn svindla.“