Það er útlit fyrir það að Neymar, leikmaður Paris Saint-Germain, muni spila á Englandi einn daginn.

Benjamin Mendy, leikmaður Manchester City, spurði Neymar út í það í dag hvort hann myndi vilja spila á Englandi í framtíðinni.

Neymar hefur leikið með Barcelona og PSG í Evrópu og þykir vera einn besti leikmaður heims.

Neymar á þó enn nóg eftir og segir að allir frábærir leikmenn þurfi að reyna fyrir sér í ensku úrvalsdeildinni.

,,Þetta er stór keppni, ein sú besta í heiminum,“ svaraði Neymar sem er aðeins 26 ára gamall.

,,Við vitum ekki hvernig morgundagurinn lítur út en ég trúi því að allir frábærir leikmenn verði að spila þar einn daginn.“