Emmanuel Petit, fyrrum leikmaður Arsenal, segir að Paris Saint-Germain hafi ekki sýnt fyrrum stjóra sínum, Unai Emery virðingu er hann var hjá félaginu.

Emery var rekinn frá PSG þrátt fyrir að hafa unnið deildina í Frakklandi en Meistaradeildin er það sem telur hjá eigandanum.

Petit segir að Emery hafi fengið slæma meðferð og að hann sé ekki verri stjóri fyrir vikið.

,,Hann vann frönsku deildina hjá PSG en þeir náðu ekki árangri í Meistaradeildinni og sumir leikmenn sýndu honum ekki virðingu,“ sagði Petit.

,,Forseti félagsins sýndi honum heldur ekki virðingu. Það eru of margir sem vilja stýra hlutunum þarna og Emery var einn eftir.“