Kylian Mbappe, leikmaður Paris Saint-Germain, er mikill aðdáandi Eden Hazard, leikmanns Chelsea.
Mbappe mætti Hazard á HM í sumar og segir að Belginn sé sá besti sem hann hefur spilað gegn á árinu 2018.
,,Hann er sá leikmaður sem ég spilaði gegn og var mest hrifinn af,“ sagði Mbappe við France Football.
,,Með Belgíu í undanúrslitum HM, hann stóð sig mjög vel og sýndi leiknum virðingu á sama tíma.“
,,Þegar hann þarf að gefa boltann því leikurinn skipar honum að gera það, þá gerir hann það án nokkurra vandræða.“
,,Stundum var ég fimm metrum frá honum og hversu hratt hann vann var magnað, boltinn var alltaf fastur við lappirnar á honum. Það er ekkert pláss sem hann sér ekki.“