Rio Ferdinand, fyrrum leikmaður Manchester United, skilur breytingarnar sem Jose Mourinho ákvað að gera í kvöld.
Þeir Marouane Fellaini, Paul Pogba, Juan Mata og Romelu Lukaku byrjuðu allir á bekknum gegn Arsenal.
Ferdinand viðurkennir að frammistaðan gegn Southampton um helgina hafi kallað á breytingar en hefur þó áhyggjur af hversu oft Mourinho breytir til.
,,Þetta er nú meiri varamannabekkurinn. Þeir eru með frábæran bekk þar sem má sjá Lukaku, Mata, Pogba og Fellaini. Ég meina, hann er frábær,“ sagði Ferdinand.
,,Hann hefur gert breytingar og eftir leik helgarinnar er ég sammála, þær þurftu að eiga sér stað eins stórar og þær voru, við verðum að sjá hvort þetta sé rétt.“
,,Það þarf að gera eitthvað. Við sjáum þetta hjá Mourinho í hverri viku – breytingar, breytingar, breytingar.“
,,Það fer illa í mig því leikmennirnir þurfa að mynda samband á vellinum og þú getur ekki gert það ef þú breytir í hverri viku.“