Emil Hallfreðsson leikmaður íslenska landsliðsins og Frosinone á Ítalíu fór undir hnífinn í vikunni.
Meiðsli hafa hrjáð þennan öfluga leikmann sem gekk í raðir Frosinone í sumar.
,,Aðgerð á enda, ég kem fljótt aftur,“ skrifar Emil á Instagram.
Hann hefur ekki spilað í tæpa tvo mánuði vegna meiðsla en ákveðið var að skera hann upp.
VOnast er til að Emil nái sér fljótt en íslenska landsliðið þarf á honum að halda í mars þegar undankeppni EM hefst.
Emil hefur orðið algjör lykilmaður í landsliðinu á síðustu árum og var frábær á HM í sumar.
