Erik Hamren, landsliðsþjálfari Íslands, fylgdist að sjálfsögðu með í dag er dregið var í riðlana fyrir EM 2020 sem hefst á næsta ári.

Ísland spilar í undankeppninni eins og venjulega og erum við í nokkuð athyglisverðum riðli í þetta skiptið.

Ísland mun spila við heimsmeistara Frakka sem og Tyrkland, Albaníu, Moldavíu og Andorra.

,,Þetta er athyglisverður riðill og erfiður riðill,“ sagði Hamren stuttu eftir dráttinn.

,,Þetta hefði getað verið auðveldara og þetta hefði getað verið erfiðara.“

,,Þú veist aldrei hvort dráttuinn sé góður eða ekki fyrr en þú spilar leikina. Frakkland er að sjálfsögðu sigurstranglegast í riðlinum.“