Manchester United tókst að tryggja sæti sitt í 16-liða úrslitum Meistaradeildarinnar í gær er liðið mætti Young Boys á Old Trafford.
United gat tryggt sér farseðilinn í næstu umferð með sigri og hafði betur 1-0 með marki frá Marouane Fellaini. United er því komið áfram í næstu umferð og skiptir lokaleikurinn gegn Valencia ekki miklu máli.
Í upphafi leiks gat United komist yfir þegar Marcus Rashford klikkaði á dauðafæri, Jose Mourinho stjóri hans var ekki glaður.
Hann trúði ekki að enski framherjinn hefði ekki skorað, hann ákvað að snúa baki í völlinn og svipbrigði hans sögðu allt.
Gary Lineker, sérfræðingur BBC var ekki hrifinn af því hvernig Mourinho hagaði sér og fékk óbragð í munninn.
,,Ef ég myndi sjá stjóra minn haga sér svona, þá yrði ég gjörsamlega brjálaður,“ sagði Lineker.