Leigubílasögurnar eru daglegur liður hér á 433.is. Í þessum lið er farið yfir helsta slúðrið og sögusagnirnar úr fótboltanum, aðallega úr bresku pressunni.
Félagaskiptaglugginn hefur lokað en það er samt alltaf fullt af sögum enda hætta erlend blöð aldrei að grafa upp sögurnar sem fljúga.
Hér má sjá pakka dagsins.
———
Ousmane Dembele hefur beðið um að fá að fara frá Barcelona í janúar og það gæti opnað á endurkomu Neymar til félagsins. (Goal)
PSG fær samkeppni frá Juventus um David De Gea markvörð Manchester United. (Sun)
Everton ætlar að reyna að kaupa Andre Gomes frá Barcelona. (Echo)
Eden Hazard útilokar að fara til PSG en gæti hins vegar farið frá Chelsea í sumar. (Goal)
AC Milan hefur rætt við Cesc Fabregas, Gary Cahill og Andreas Christensen leikmenn Chelsea. (Football Italia)
Southampton ætlar að gefa Mark Hughes tíma til að koma gengi liðsins aftur í rétt horf. (Telegraph)
Jordi Alba er ekki að fá nýjan samning hjá Barcelona. (ESPN)
Chelsea og Arsenal ætla að reyna að fá Andreas Pereira miðjumann Manchester United. (Sun)