Theodór Elmar Bjarnason hefur yfirgefið lið Elazigspor í Tyrklandi en hann staðfesti þetta á dögunum.

Elmar hefur síðustu daga verið að æfa með KR en þetta staðfesti hann í samtali við 433.is í dag.

Elmar hefur undanfarið ár leikið með Elazigspor en liðið spilar í næst efstu deild í Tyrklandi Miðjumaðurinn kom til félagsins frá AGF á síðasta ári en hann hafði leikið í Danmörku frá árinu 2012 með AGF og Randers.

Félagið hefur verið í vandræðum með að borga leikmönnum laun og er nú óvíst hvað tekur við.

Elmar sagði í samtali við 433.is að framtíð sín gæti ráðist á næstu vikum, hann sé með tilboð frá nokkrum liðum sem hann skoði.

Elmar er KR-ingur í húð og hár, ef hann kemur heim er líklegt að hann fari Í KR.