Leikur Watford og Liverpool í ensku úrvalsdeldinni verður ekki í beinni útsendingu klukkan 15:00 á laugardag.
Ástæðan er sú að Stöð2 Sport má bara sýna einn leik klukkan 15:00 í beinni.
Fyrr í vetur gerðist það að stærstu liðin, Manchester United og Liverpool léku á sama tíma. Þá var leikur United ekki í beinni.
Nú snýst dæmið við en leikur Manchester United og Crystal Palace verður í beinni að þessu sinni.
Stöð2 Sport er með enska boltann út þessa leiktíð en þá mun hann færast yfir á Sjónvarp Símans.
